داغ لار

 

بینه لری چادیر-چادیر

چوخ گزمیشم اؤزوم، داغ لار!

قودرتینی سیزدن آلدی

منیم سازیم، سؤزوم، داغ لار!

ادامه نوشته

داغ لار کوءسوب

 

نئچه یازدی دوءشمور یولوم

یقین داغ لار کوءسوب مندن

گئدیب اؤپوم، قوربان اولوم

یقین داغ لار کوءسوب مندن

 

ادامه نوشته

نوروز- باهار اولدو

 

نوروز- باهار اولدو جاهان تازه تر اولدو

رفع اولدو الم لر

 

داغیلدی بو شادلیق خبری دربه در اولدو

یاندی اودا غم لر

 

ادامه نوشته

الوداع، داغ‏لار

 

بلکه بو یئرلره بیر ده گلمه دیم

دومان، سالامات قال، داغ، سالامات قال!

دالیمجا سو سپیر یوخسا بولودلار؟

لئیسان، سالامات قال، یاغ، سالامات قال!

 

قیی ووران قارتال‏لار یوخ اولدو چنده

نرگزلر سارالدی شئه لی چمنده

ائی قارا گؤز پری، دالیمجا سن ده

بویلان، سالامات قال، باخ، سالامات قال!

 

گلدیم، قارشیلادی گوءل لر چیچک لر

گئدیرم، ال ائدیر بوز بیچَنَک لر

ندامی چای لارا دئدی کوءلک لر:

بولان، سالامات قال، آخ، سالامات قال!

 

داغ لارین پلنگی، شیری ده سن سن

شاعری ده سن سن، شعری ده سن سن

واری، برکتی، خئیری ده سن سن

چوبان سالامات قال، ساغ- سالامات قال!

سنتیابر - ۱۹۶۲

 

یاز

 

قیزیشدیرار باهار آیی یئرین، گؤیون هاواسینی

دگیشدیرر، توءنوکلدر خلایقین لباسی‏نی

 

بزکلنیر، دوءزکلنیر، باغین فضاسی رنگلنیر

یاشیللانیر، هم آللانیر، شکوفه لر چیچکلنیر

 

بیتر چمنده لاله لر، الینده آل پیاله لر

سحر زامانی دوءر کیمی دوءشر اوت اوسته ژاله لر

 

سوءرو- سوءرو قویون لاری چوبان یاماجدا اوتلادار

آلار اله پاپاغی‏نی، اوخور شکسته، فیت چالار

 

اینَک، جامیش، قویون، قوزو چیخار ناخیردا اوتلاغا

کؤچر آراندان ائل، گئدر یاواش- یاواشجا یایلاغا

 

تاخیل یئرین شوم ائیله ییب اکین اگر اکینچی لر

الینده دریاز اوت بیچر ماییس آیی بیچین‏چی لر

 

۱۹۰۸

 

سحر- سحر

 

باهارین نه گؤزل چاغ‏لاری گلمیش

بوءلبولو چاغیریر گوءل سحر- سحر

وطنین عشقی‏له دیل آچیب یئنه

کؤنلومون سازیندا تئل سحر- سحر

 

چیخیر مئشه لیکدن تالایا الیک

سکیر داشدان داشا خینالی ککلیک

شئهدن مونجوق دوءزور گوءللوک، چیچکلیک

گلینه بنزه ییر چؤل سحر- سحر

 

گئدیرم تلَسیک تارلایا ساری

هامیدان تئز گله او قیز دا باری

سینه سی قارتاللی قایالیق لاری

عکس ائدیر سونالی گؤل سحر- سحر

 

سئودا یولچوسونون خیالینا باخ

سنسیز افسانه دیر گؤزللیک آنجاق

ائی گوءنش اوءزلو یار، گوءنشدن قاباق

یولوما نور چیله، گل سحر- سحر

 

قاتار- قاتار اولوب قالخیب هاوایا

 

قاتار-قاتار اولوب قالخیب هاوایا

نه چیخیبسیز آسمانا دورنالار

غریب-غریب، غمگین-غمگین اؤترسیز

اوءز توتوبسوز نه مکانا دورنالار

 

تسبیح کیمی قاتارینیز دوءزرسیز

هاوالانیب عرش اوءزونده سوءزرسیز

گاه اولور کی، دانه-خورش گزرسیز

گاه دوءشرسیز پریشانا دورنالار

 

عرض ائیله ییم، بو، سؤزومون ساغی دیر

یوللارینیز حرامی دیر یاغی دیر

شاهین-شونقار سوءربه نیزی داغیدیر

بویانارسیز قیزیل قانا دورنالار

 

ازل باشدان بصره، باغداد ائلینیز

بگلر اوءچون ارمغاندیر تئلینیز

اوخودوقجا شیرین-شیرین دیلینیز

باغریم اولور شانا-شانا دورنالار

 

بیر باش چکین دردمندین حالینا

عرضه یازسین، قلم آلسین الینه

ودادی خسته دن باغداد ائلینه

سیز یئتیرین بیر نشانا دورنالار