نوروز- باهار اولدو جاهان تازه تر اولدو

رفع اولدو الم لر

 

داغیلدی بو شادلیق خبری دربه در اولدو

یاندی اودا غم لر

 

قیرخ یئددی رقم سیندی زمستان قلمیندن

فورصت گوءله دوءشدو

 

مئیدان- طربده بو نه طورفه هونر اولدو

صرف اولدو کرم لر

 

گؤیدن یئره یاغدی نه گؤزل شبنم- رحمت

بیتدی گوءل و لاله

 

خوش نغمه لنیب بولبول- شئیدا اؤتر اولدو

آچیلدی اِرم لر

 

یوءز حمد و ثنا، مایل- سئیر- چمن اولدو

شاد اولدو کؤنول لر

 

بیر مؤسم- گوءلدور بو کی، حقدن نظر اولدو

خوش گلدی بو دم لر

 

ائی خسته ودادی بو گوءن ائتمز می سنه رحم

سولطان- زمانه؟

 

بو عئید- موبارکده کی دونیا خبر اولدو

ساچیلدی درم لر