بینه لری چادیر-چادیر

چوخ گزمیشم اؤزوم، داغ لار!

قودرتینی سیزدن آلدی

منیم سازیم، سؤزوم، داغ لار!

 

مارال گزر آستا- آستا

ائنیب گلر چشمه اوءسته

گؤزوم یولدا، کؤنلوم سسده

دئیین نئجه دؤزوم داغ لار!

 

هر اوبانین بیر یایلاغی

هر ترلانین اؤز اویلاغی

دولایلاردا باهار چاغی

بیر دویونجا گزیم، داغ لار!

 

قایالاری باش-باشادیر

گوءنئی لری تاماشادیر

گؤدک عؤمرو چوخ یاشادیر

جانیم داغ لار، گؤزوم داغ لار!

 

بیر قوناغام بو دونیادا

بیر گوءن عؤمروم گئدر بادا

وورغونو دا سالار یادا

دوءز ایلقارلی بیزیم داغ لار

۱۵ فورال، ۱۹۴۳