باهارین نه گؤزل چاغ‏لاری گلمیش

بوءلبولو چاغیریر گوءل سحر- سحر

وطنین عشقی‏له دیل آچیب یئنه

کؤنلومون سازیندا تئل سحر- سحر

 

چیخیر مئشه لیکدن تالایا الیک

سکیر داشدان داشا خینالی ککلیک

شئهدن مونجوق دوءزور گوءللوک، چیچکلیک

گلینه بنزه ییر چؤل سحر- سحر

 

گئدیرم تلَسیک تارلایا ساری

هامیدان تئز گله او قیز دا باری

سینه سی قارتاللی قایالیق لاری

عکس ائدیر سونالی گؤل سحر- سحر

 

سئودا یولچوسونون خیالینا باخ

سنسیز افسانه دیر گؤزللیک آنجاق

ائی گوءنش اوءزلو یار، گوءنشدن قاباق

یولوما نور چیله، گل سحر- سحر