ادبیاتیمیزین دوراغی

نئچه یازدی دوءشمور یولوم

یقین داغ لار کوءسوب مندن

گئدیب اؤپوم، قوربان اولوم

یقین داغ لار کوءسوب مندن

چوخدان داغا- داشا یادام

سالمیر قونوم- قونشو یادا

الیم یاتمیر قوشمایا دا

یقین داغ لار کوءسوب مندن

ککلیک اوچمور چوپور داشدان

داغ کل لریم باخمیر قاشدان

بولاق توتقون، چای پریشان

یقین داغ لار کوءسوب مندن

ساغساغان لار سکسکه لی

کیم بالتالی، کیم گوءللـه لی؟...

یارپاق گؤردوم قان لکه لی

یقین داغ لار کوءسوب مندن

دوءزلریمه شؤهرت آراز

هاراییما حسرت آراز

گئجیکمه سن، ممّد آراز

یقین داغ لار کوءسوب مندن

اوکتیابر، ۱۹۷۶