قیزیشدیرار باهار آیی یئرین، گؤیون هاواسینی

دگیشدیرر، توءنوکلدر خلایقین لباسی‏نی

 

بزکلنیر، دوءزکلنیر، باغین فضاسی رنگلنیر

یاشیللانیر، هم آللانیر، شکوفه لر چیچکلنیر

 

بیتر چمنده لاله لر، الینده آل پیاله لر

سحر زامانی دوءر کیمی دوءشر اوت اوسته ژاله لر

 

سوءرو- سوءرو قویون لاری چوبان یاماجدا اوتلادار

آلار اله پاپاغی‏نی، اوخور شکسته، فیت چالار

 

اینَک، جامیش، قویون، قوزو چیخار ناخیردا اوتلاغا

کؤچر آراندان ائل، گئدر یاواش- یاواشجا یایلاغا

 

تاخیل یئرین شوم ائیله ییب اکین اگر اکینچی لر

الینده دریاز اوت بیچر ماییس آیی بیچین‏چی لر

 

۱۹۰۸