بلکه بو یئرلره بیر ده گلمه دیم

دومان، سالامات قال، داغ، سالامات قال!

دالیمجا سو سپیر یوخسا بولودلار؟

لئیسان، سالامات قال، یاغ، سالامات قال!

 

قیی ووران قارتال‏لار یوخ اولدو چنده

نرگزلر سارالدی شئه لی چمنده

ائی قارا گؤز پری، دالیمجا سن ده

بویلان، سالامات قال، باخ، سالامات قال!

 

گلدیم، قارشیلادی گوءل لر چیچک لر

گئدیرم، ال ائدیر بوز بیچَنَک لر

ندامی چای لارا دئدی کوءلک لر:

بولان، سالامات قال، آخ، سالامات قال!

 

داغ لارین پلنگی، شیری ده سن سن

شاعری ده سن سن، شعری ده سن سن

واری، برکتی، خئیری ده سن سن

چوبان سالامات قال، ساغ- سالامات قال!

سنتیابر - ۱۹۶۲